21-годишниот Остин Т. Мартин од Камерон, Северна Каролина, е идентификуван како мажот кој смртно настрада во Мар-а-Лаго, според повеќе извори за CBS News, американски партнер на BBC.
Според официјалните информации, Мартин носел сачмарка и канистер со гориво кога упаднал во комплексот. Инцидентот се случил во момент кога еден гостин излегувал од имотот, објави 4news.mk.
Американскиот министер за финансии, Скот Бесент, овој настан го оцени како акт на политичко насилство и го припиша на левицата. Тој рече дека ваквите постапки претставуваат „егзистенцијална закана“ и дека „тој отров од левицата навистина мора да престане“, додавајќи дека ваквото насилство било нормализирано.
