Погребот на Едмонд и Селами се одржа денеска во 16:40 часот на градското гробиште во Ѓиливане, веднаш по попладневната молитва.
Едмонд Хасани (41) беше убиен заедно со својот татко во пукањето што се случи вчера пред познат кафе бар во Ѓиливане, а само пред три месеци се оженил со Њомза Грабајница, поранешна директорка на катастарот во општина Клина.
Едмонд на својот профил на Фејсбук често објавуваше фотографии со сопругата и гордо ја покажуваше љубовта кон неа, а неговата трагична смрт ја зави фамилијата во црно.
Пукањето се случи во неделата околу пладне во еден од познатите кафе барови во Ѓиливане. Три лица го загубија животот, додека четвртиот, зетот на фамилијата, е тешко повреден и моментално е во болница во Приштина.
На местото на пукањето починаа Ш. Х. (68) и неговиот син Е. Х. (41), сопственици на позната златарница. Меѓу повредените е и зетот Б. Х. (41), кој беше брзо пренесен во Универзитетската клиничка болница во Приштина и се наоѓа во тешка, но стабилна состојба.
Убиен е и А. Х. (68), кој бил во кафе барот со несреќните мажи кога четворица осомничени лица почнале да пукаат. За жал, тој починал на самото место.
Според информации од полицијата и Основното јавно обвинителство, за крвавата пресметка се осомничени Мефаил Шкодра (53) и неговите синови Едонис (25) и Енџул (22). Тројцата се во бегство, додека еден нивни роднина е уапсен веднаш по пукањето. Полицијата објави нивни фотографии и распиша потерници.
На вонредна прес-конференција беше откриено дека Мефаил Шкодра има повеќе од 30 кривични дела зад себе, меѓу кои зеленање, уцени, измами, учество во организирана криминална група, закани, напади и сообраќајни прекршоци.
