Според медиумските извештаи, руската шпионажа во Германија значително се зголемила по почетокот на војната во Украина. Руски беспилотни летала систематски ги следат транспортните патишта на оружје и воените бази, особено во источниот дел на Германија.
„Њујорк тајмс“ и „Виртшафтсвохе“, повикувајќи се на западни разузнавачки извори, јавуваат дека Русија е добро информирана за компаниите кои произведуваат оружје за Украина и за количините испорачани за војната.
Германскиот министер за одбрана Борис Писториус не е изненаден од ваквите активности. Тој истакна дека Бундесверот не ја контролира цивилната територија и инфраструктурата, па не може многу да се направи против летовите на дронови над пристаништата и железничките врски. „Ова е постојана игра на мачка и глушец помеѓу развивачите на дронови и нашите одбранбени технологии“, изјави Писториус.
Министерството за надворешни работи на Германија соопшти дека сериозно ја сфаќа заканата од Русија, особено преку нејзината агресивна војна и хибридните активности. Тие ги следат случувањата многу внимателно.
Од друга страна, Кремљ ги отфрла обвинувањата како лажни. Портпаролот Дмитриј Песков изјави дека е тешко да се поверува дека Германија не ги забележала овие активности и не реагирала.
