Јавен обвинител од Основното јавно обвинителство Скопје покрена постапка против државјанин на Република Хрватска, осомничен за кривично дело „Телесна повреда“ според член 130 став 2 во врска со став 1 од Кривичниот законик, поради семејно насилство врз неговата бремена сопруга.
Според пријавата, осомничениот најпрво и се обраќал на висок тон, а потоа физички ја нападнал, удирајќи ја со тупаници и шлаканици по телото и главата. Тој ја притискал за вратот, и покрај тоа што жената била во петтиот месец од бременост. Во еден момент, тој ја зграбил и насилно ја фрлил во креветот, при што ѝ ја удирал главата од ивицата на креветот.
Нападот престанал кога жртвата почнала да крвари, по што успеала да се засолни во тоалетот и да повика полиција и брза помош. Осомничениот, слушајќи дека е повикана помош, го напуштил станот.
По претходниот преглед, кај оштетената се констатирани бројни повреди на главата, како и повреди на плацентата, во која се наоѓал плодот. Јавниот обвинител достави предлог до судијата на претходна постапка за определување мерка притвор за осомничениот.
