Во тетовско вчера попладне е уапсен 75-годишен маж под сомнение за полово вознемирување на малолетно девојче. Настанот бил пријавен во полиција уште на 11 август од страна на мајката на жртвата, по што биле преземени истражни мерки.
Полициските службеници, по добиена судска наредба, извршиле претрес во домот и помошните простории на осомничениот, при што биле пронајдени и одземени мобилен телефон, лаптоп, ресивер и други предмети кои ќе послужат како доказен материјал.
По целосно документирање на случајот и собирање на сите докази, против уапсениот ќе биде поднесен соодветен поднесок до надлежните органи.
Овој шокантен настан предизвика голема вознемиреност кај жителите на тетовскиот регион.
