Српскиот рапер Стефан Ѓуриќ Раста бил приведен синоќа, на 2 август 2025 година, во Охрид, каде што требаше да настапи пред настапот на светската музичка ѕвезда Џејсон Деруло.
Според неофицијални извори, тој стигнал на градскиот стадион каде што требаше да се одржи концертот, но бил веднаш уапсен од страна на полицијата.
Раста и претходно имал судири со законот. Во октомври 2020 година беше уапсен откако полицијата пронајде пет грама марихуана кај него, а потоа, по наредба на обвинителството, извршен бил претрес во неговиот дом, при што бил пронајден сканк.
Надлежните институции од Охрид сè уште не излегоа со официјална информација за синоќешниот настан.
