Во жешките летни денови, кога телото постојано губи течности преку потење, ризикот од дехидратација значително се зголемува – дури и ако не се чувствувате жедни. Но како да знаете дали сте навистина доволно хидрирани? Постојат неколку симптоми, но и еден брз и едноставен тест што можете сами да го направите за неколку секунди.
Тест со штипење на кожата
Еден од најлесните начини да проверите дали сте дехидрирани е тестот со кожата:
- Штипнете ја кожата на горниот дел од вашата рака или на прстите.
- Држете ја неколку секунди и пуштете.
- Ако кожата брзо се врати во нормала – сте хидрирани.
- Ако остане „кревида“ или побавно се враќа – можно е да сте дехидрирани.
Зошто телото губи повеќе вода летно време?
Високите температури и изложеноста на сонце го активираат природниот механизам на ладење – потење. Со потта не губиме само вода, туку и важни електролити како натриум, калиум и магнезиум. Ако не се надоместат навреме, може да се појават сериозни симптоми.
Најчести знаци на дехидратација:
- Главоболка и вртоглавица
- Сува уста и тежок јазик
- Замор и слаба концентрација
- Темна урина и поретко мокрење
- Мускулни грчеви
- Забрзан пулс и дишење
Во потешки случаи, дехидратацијата може да предизвика:
- Несвестица
- Ненадејни промени во расположението
- Проблеми со срцето и бубрезите
Овие состојби се особено опасни за деца, постари лица и хронично болни.
Како да се заштитите?
Пијте вода редовно – дури и кога не чувствувате жед. Избегнувајте газирани пијалаци, кафе и алкохол, кои дополнително ја дехидрираат организмот. Надоместете електролити со свежо овошје, минерална вода или природни спортски пијалаци.
Запомнете: жедта е задоцнет сигнал – затоа пијте вода навреме, не кога е веќе доцна.
