ШОК ИЗЈАВА НА ТРАМП: Кока-Кола ќе го врати вистинскиот шеќер во американските шишиња?!

Поранешниот американски претседател Доналд Трамп предизвика внимание на социјалните мрежи со објава дека Кока-Кола наводно се согласила да го замени сирупот од пченка со висока фруктоза со вистински шеќер од шеќерна трска во верзијата на Кока-Кола што се продава во САД.

– Разговарав со Кока-Кола за користење вистински шеќер од шеќерна трска во Кока-Кола во САД, и тие се согласија да го направат тоа, – напиша Трамп на својата платформа Truth Social.

Тој додаде и:

– Би сакал да им се заблагодарам на сите надлежни во Кока-Кола. Ова ќе биде многу добар потег од нивна страна – ќе видите. Едноставно е подобро!

Од Кока-Кола не ја потврдија директно промената, но му се заблагодарија на Трамп за неговиот, како што рекоа, „ентузијазам за иконскиот бренд“ и најавија дека наскоро ќе споделат повеќе детали за нови иновативни понуди во нивниот асортиман.

Останува нејасно дали навистина ќе дојде до промена на рецептурата. Засега нема официјална потврда дека сирупот од пченка ќе биде заменет со шеќер од трска, иако ваквиот потег би бил значаен – и од здравствен, и од маркетиншки аспект.

За потсетување, Кока-Кола веќе користи шеќер од трска во повеќе земји, како Мексико и Австралија, додека американската верзија користи поевтин и подолготраен сируп од пченка со висока фруктоза, кој често е критикуван од нутриционисти.

Интересно е што сам Трамп е познат љубител на Diet Coke, варијанта која не содржи шеќер туку вештачки засладувачи.

По објавата, акциите на Archer-Daniels-Midland, една од главните компании за производство на пченкарен сируп, паднаа за околу 6% во тргувањето по работното време, што покажува колку сериозно финансиските пазари ја сфатиле изјавата на Трамп – и покрај тоа што не е официјално потврдена од страна на Кока-Кола.