Во малото бразилско село Хоер Верде се случила една од најнеобјаснетите мистерии во историјата. На 5 февруари 1923 година, помала група луѓе допатувала во градот за да ги посетат своите роднини. Но, веднаш штом пристигнале, забележале дека нешто сериозно не е во ред – улиците биле празни, нема бучава од деца, земјоделци или кучиња.
Куќите биле морничаво тивки, со врати ширум отворени и полупразни чинии на масите, што покажувало дека жителите заминале набрзина. Посетителите провериле повеќе домови, но никој не бил дома, и со трепет се обратиле во полиција, која не можела да даде многу информации.
Немало никакви траги од напад, насилство или крв, а луѓето оставиле сè зад себе – пари, документи и скапоцености. Во локалното училиште бил пронајден пиштол со мирис на барут, а на таблата биле испишани зборовите „Нема спасување“, што дополнително ја зголемило мистеријата.
Полицијата првично шпекулирала дека жителите можеби побегнале поради страв од герилски групи или шверцери на дрога, но никогаш не се појавиле никаде. Теориите за натприродни појави се појавувале, но немало докази.
Со текот на годините, Хоер Верде го проголтала прашумата, оставајќи зад себе безброј прашалници за судбината на 600-те исчезнати жители.
Видео:
