Израел испрати сериозна закана до Хамас, најавувајќи дека воздушните напади врз Газа ќе прераснат во „моќен ураган“ доколку групата не се предаде и не ги ослободи преостанатите 48 заложници. Израелскиот министер за одбрана, Израел Кац, преку Икс (Твитер), упати јасно предупредување дека ако Хамас не го положи оружјето, енклавата ќе биде уништена, а членовите на групата „истрабени“.
Ова доаѓа по нападот на автобуска станица во Источен Ерусалим, каде загинаа шест лица. Хамас не ја презеде одговорноста за инцидентот, тврдејќи дека станува збор за реакција на израелските воени операции во Газа.
САД, преку предложен прекин на огнот, бараат Хамас веднаш да ги врати сите заложници на првиот ден од прекинот на огнот, за време на кој би се воделе преговори за завршување на конфликтот. Израел го разгледува овој предлог, но деталите засега остануваат тајна.
Нападите од страна на Израел започнаа минатиот месец, со цел да се ограничат воените активности на Хамас, оставувајќи стотици илјади жители на Газа да живеат во урнатиот град под постојана закана.
