Француските власти уапсија девет лица во врска со сомнителна измама со билети во светски познатиот музеј Лувр, при што беше запленета сума од над 1,4 милиони евра, соопшти канцеларијата на јавниот обвинител.
Меѓу уапсените се туристички водичи, двајца вработени во Лувр и едно лице осомничено за организирање на измамата. Деветтемина беа изведени пред судија веднаш по апсењето.
Истражителите наведуваат дека измамата можеби траела повеќе од 10 години, а музејот Лувр ја проценува штетата на над 10 милиони евра. Дел од парите, според сомневањата, биле вложени во недвижности во Франција и Дубаи.
Истраги за можни слични измами се водеа и во дворецот Версај, кој исто така е музеј.
