Тој стои зад светски хитови како Nutella, Kinder, Tic Tac и Ferrero Rocher – но никогаш не дал интервју. Michele Ferrero беше енигма во светот на бизнисот: тивок, повлечен и фокусиран исклучиво на својата визија.
Роден во Алба, Италија, тој го презел семејниот бизнис на само 32 години и го претворил во глобална сила што им конкурира на гиганти како Nestlé, Mondelez International и Kraft Foods. До 2013 година компанијата остварила приходи од над 8 милијарди евра.
Темелите ги поставил неговиот татко со „паста џандуја“ – евтина алтернатива на чоколадо направена од лешници. Но Мишел бил тој што ја издигнал идејата на ново ниво. Наместо луксуз, понудил производи со повеќе млеко и помалку чоколадо – стратегија што ги намалила трошоците и ја освоила публиката.
Имал неверојатен инстинкт за детските желби и рано сфатил дека глобалниот пазар е клучот за успех. Одбил и големи аквизиции, меѓу кои и можност за преземање на Cadbury.
Иако изгради империја со десетици илјади вработени, Фереро остана мистерија до крајот на животот. Без јавни настапи, без интервјуа – само производи што станаа дел од детството на милиони луѓе.
