Андрија С. (19) и Филип С., осомничени за обид за убиство на Вук Бајрушевиќ, кое се случи на 10 декември минатата година на Врачар, денеска беа сослушани во Вишото јавно обвинителство во Белград, каде што одлучиле да се бранат – со молк.
Според наредбата за спроведување истрага, на двајцата им се става на товар кривично дело убиство во обид, извршено во соизвршителство, додека Андрија С. дополнително се сомничи и за недозволено производство, држење и носење оружје и експлозивни материи, соопштија од обвинителството.
За време на сослушувањето пред надлежниот јавен обвинител, осомничените го искористиле своето законско право да не дадат одбрана, односно одбиле да одговараат на поставените прашања.
По сослушувањето, обвинителството му предложило на судијата за претходна постапка на Вишиот суд во Белград да им биде одреден притвор, со цел да се спречи можноста осомничените да го повторат кривичното дело во краток временски период.
