Милан Илиќ, дедото на исчезнатото девојче од Бор, верува дека неговата внука не е убиена и се надева дека е жива. Мистеријата околу случајот продолжува да се продлабочува, особено затоа што и родителите на девојчето повеќепати истакнале дека не знаат во што да веруваат.
Според него, семејството добивало различни информации од надлежните, но сега повеќе никому не му веруваат.
– Прво признаа дека ја убиле, па рекоа дека не е така. Добијавме извештај дека во моментот на исчезнувањето биле со автомобил пред куќата во Бањско Поле. А сега дознаваме дека нивните адвокати тврдат дека Ивана тој кобен ден воопшто не била во Бањско Поле и дека, според тоа, не можела да ја фотографира исчезнатата девојка, туку дека фотографијата што ја дала за медиуми е направена којзнае кога – изјавил тој, додавајќи дека сè повеќе верува дека неговата внука е жива.
Тој нагласил дека семејството е разочарано и збунето од спротивставените информации и дека веќе не знаат на кого да му веруваат.
– Се држат. Со оглед на тоа низ што поминуваат, добро се. И тие сега се сомневаат во сè… Сакам само внука ми да е жива и добро – рекол Милан.
Потсетуваме, Вишиот суд во Неготино крајот на март ја потврдил обвинителната оптужница за убиство на девојчето од Бор (2), против Срѓан Јанковиќ и Дејан Драгијевиќ, додека адвокатите на обвинетите поднеле жалби до Апелациониот суд во Ниш.
Судот треба да одлучи дали оптужницата ќе биде потврдена, вратена на дополнување или отфрлена. Доколку биде потврдена, ќе започне судски процес.
