„Слушнав само дека пукнало силно, а потоа излегов и видов луѓе како бегаат! Брзо пристигна Брза помош со ротација. Се надевам дека сите се добро, беше страшно“, изјави една од работничките во продавница во близина на местото каде што утрово автобус удрил во автобуска станица во Ниш, опишувајќи ги драматичните моменти.
Во нишката полиција за „Блиц“ е потврдено дека е повредена една личност, откако во 7:40 часот автобус на линијата кон Нишка Бања удрил во станицата.
Повредената личност ја прими Брза помош, а степенот на повредите сè уште не е познат.
Според сведоците, по ударот на автобусот во станицата, луѓето почнале да трчаат насекаде.
„Имаше многу луѓе и во автобусот и на станицата. Беше страшно, чудо е што нема повеќе повредени. Излегов од продавницата и го видов возачот, постар човек, беше видливо вознемирен“, вели друга работничка.
Полицијата го обележала местото на несреќата со ленти и врши увид.
