Израелските воздухопловни сили денеска изведоа најголема операција во својата историја, користејќи околу 200 борбени авиони. Нападите беа насочени кон иранските балистички ракетни фрлачи и системи за воздушна одбрана, погодувајќи околу 500 воени цели во западен и централниот дел на Иран.
ИДФ соопшти дека операцијата овозможила проширување на воздушната надмоќ и нанесла тежок удар врз централниот офанзивен капацитет на Иран, вклучувајќи локации од кои се планирало лансирање ракети кон Израел.
„Ова е најголемиот воздушен напад во историјата на нашите воздухопловни сили, извршен по детално планирање со висококвалитетни разузнавачки податоци“, истакнуваат од ИДФ.
