Општина Гази Баба објави јавен повик за целосно надоместување на трошоците за стерилизација на домашни миленици, со максимум до 6.000 денари по миленик. Право на учество имаат жителите на општината кои ќе достават комплетна документација.
За аплицирање, потребно е да се обезбеди доказ дека миленикот е регистриран и чипиран, има валиден пасош, а стерилизацијата е извршена во регистрирана ветеринарна установа на територија на Гази Баба. Исто така, се бара доказ за извршена уплата.
Документацијата се поднесува во затворен плик во архивата на Општината, секој работен ден од 07:30 до 16:30 часот.
