На продолжението на 59. седница, Собранието едногласно ги усвои измените во Законот за возила, со што се поедноставува процесот на регистрација. Сега, техничките станици ќе можат да издаваат потврда за регистрирано возило, која ќе важи на целата територија на државата, без ограничување на локацијата на живеење.
Исто така, во рамките на продолженијата на повеќе седници беа донесени и други важни законски измени:
- Закон за полиција со нови услови за именување на директор на Бирото за јавна безбедност, со поголем акцент на професионалност и работно искуство.
- Зголемување на бројот на полициски станици во општини со раст на населението, со цел подобрување на безбедноста.
- Закон за домување, кој ги регулира менаџирачките компании и воведува дигитални седници за поефикасно работење.
- Измените во Законот за рибарство и аквакултура, со нови мерки за заштита, помош и регулирање на пазарот.
Пратениците ги усвоија и предлозите за изменување на неколку други закони, вклучувајќи ги оние поврзани со социјална сигурност, правата на воени инвалиди, гробишта на борци и други.
Дополнително, беше ратификуван Договорот за Централноевропска програма за размена на универзитетски студии (ЦЕЕПУС IV), а беше донесена и одлука за учество на припадник на армијата во меѓународна операција на ЕУ во Босна и Херцеговина.
