Во пресрет на Новогодишните и Божиќните празници, скопската Итна медицинска помош е подготвена да одговри на сите потреби на граѓаните.
Сепак, од таму апелираат бројот за итни случаи да не се злоупотребува и да се повикува само кога постои акутна, загрозувачка состојба.
„Линијата се користи само при акутни ситуации кои бараат итно делување. Пациентите треба прво да се обратат кај своите матични доктори, кои најдобро ја познаваат нивната здравствена состојба“, изјави д-р Маја Џарева од Итната медицинска помош.
Таа истакна дека кај сообраќајни несреќи е клучно очевидците да дадат прва помош и веднаш да се јават на 112, наведувајќи точна локација за екипите на Итната помош да пристигнат што побрзо.
