Во бугарскиот ски-центар Банско, група израелски туристи била физички нападната на ски-патеки. Според првичните информации, до тепачката дошло со учество на повеќе лица, а на терен интервенирало обезбедување и други присутни скијачи.
Причините за инцидентот засега не се официјално потврдени, но според првичните наводи, нападот можеби бил мотивиран од националноста на туристите. Засега нема официјални податоци за степенот на повредите.
Бугарските власти започнале истрага за случајот, а инцидентот предизвика реакции во јавноста поради загриженост за безбедноста на туристите во зимските центри, кои во овој период се меѓу најпосетените дестинации во регионот.
