Ситуацијата во Куба станува сè подраматична – Русија подготвува втор танкер со нафта кон островот, додека енергетската криза таму продолжува да се влошува.
По пристигнувањето на првиот брод со стотици илјади барели сурова нафта, Москва не запира – нова испорака веќе се подготвува, што јасно покажува дека кризата е далеку од решена.
Куба се соочува со сериозен недостиг на гориво, што доведе до чести рестрикции на струја, проблеми во транспортот и нарушување на секојдневниот живот. Островот е силно зависен од увоз на енергенси, а прекинот на испораките од традиционални партнери дополнително ја продлабочи кризата.
Испораките од Русија доаѓаат во чувствителен момент – САД имаат воведено строги ограничувања за снабдување со гориво, но во некои случаи се дозволуваат исклучоци од хуманитарни причини.
И покрај тоа, експертите предупредуваат дека ниту една пратка не е доволна за целосно стабилизирање на ситуацијата. Куба произведува само дел од своите енергетски потреби, што значи дека зависноста од странска помош останува критична.
Во меѓувреме, жителите се соочуваат со реалност обележана со недостиг на струја, гориво и основни ресурси.
