Општина Карпош најави меѓуопштинска соработка со Град Скопје за заловување и собирање на бездомни кучиња на јавните површини во Карпош. За оваа намена, Општината ќе обезбеди 2.000.000 денари, а Градот Скопје ќе учествува со финансиски средства и преку ЈП „Лајка“ – Скопје. Градоначалникот ќе склучи договор за детално уредување на условите за заедничката надлежност и начинот на исплата на средствата.
Советот едногласно го поддржа и аплицирањето на Општината на Јавниот повик „Повелба на градоначалници на Југоисточна Европа – Зелени шампиони 2026“ за поставување комбиниран фотоволтаичен систем на спортските сали „Наум Наумовски – Борче“ и „Партизан“.
Советот усвои и Годишен извештај за извршување на Буџетот на Општина Карпош за 2025 година, како и измена на распоредот на средствата за 2026 година. Дел од средствата се пренаменети за купување нов мебел за детската градинка „Мајски Цвет“ во Тафталиџе 1.
Со цел подобрување на јавната безбедност, формиран е Локален Совет за превенција, кој ќе соработува со локалната и централната власт, невладини организации и други релевантни субјекти.
Советот го одобри и користењето на спортскиот објект „Наум Наумовски – Борче“ и неговите сали за различни спортски активности, како и одреден надоместок за термини за пинг-понг.
Исто така, беа одобрени парични средства за лекување на двајца жители и промени во Управниот одбор на детската градинка „Орце Николов“.
ИЗВОР: Скопје1.мк
