Во текот на раните утрински часови, полицијата изврши акциска контрола во угостителски објект лоциран на улицата Браќа Миладинови, покрај автопатот Гостивар–Тетово. При контролата, приведен е сопственикот на објектот, Џ.М. (44) од Тетово.
Контролата била спроведена во периодот од 01:00 до 04:00 часот од страна на полициски службеници од СВР Тетово. Во објектот биле затекнати вкупно 11 женски лица на возраст од 20 до 53 години. Од нив, шест биле македонски државјанки, а пет државјанки на Албанија, Косово и Србија.
Странските државјанки биле приведени и задржани во полициска станица поради сомнение за злоупотреба на туристичкиот престој.
И сопственикот Џ.М. бил задржан, а по целосно документирање на случајот против него ќе биде поднесена соодветна пријава.
