Драматична сообраќајна несреќа утринава го потресе патниот правец Кавадарци – Неготино. Околу 09:00 часот кај местото „Антена“, патничко возило „Пежо“ со кавадаречки регистарски ознаки излетало од патот. Во возилото се наоѓал 19-годишниот Н.Т. од Кавадарци, кој се здобил со телесни повреди и веднаш бил пренесен во Општа болница Кавадарци, каде му била констатирана повредата.
На местото на несреќата веднаш извршен увид од екипа на ОВР Неготино, која ја истражува причината за излетувањето од патот. Засега не се објавени детали дали повредите на младото момче се опасни по живот, ниту дали биле присутни други учесници во сообраќајот.
Граѓаните се предупредуваат на внимателно возење, особено на овој регионален пат, кој е познат по остри свиоци и повеќе сообраќајни инциденти во минатото.
