Расте бројот на пријави за семејно насилство до полицијата, а од дневните билтени на Министерството за внатрешни работи може да се забележи дека Тетово засега е „лидер“ во ваквите случаи. Жртви најчесто се партнерки, но и родители, браќа и сестри.
Еве дел од пријавите од почетокот на месец април:
- На 05.04.2026 во 13:30 часот во Тетово, О.С. (47) лишен од слобода по пријава од неговиот 76-годишен татко дека подолг период вршел семејно насилство. Кај него биле измерени 2,14 промили алкохол.
- На 05.04.2026 во 15:30 часот во гостиварско село, Р.А. (27) лишен од слобода по пријава од поранешна партнерка за сериозни закани кон нејзиното семејство.
- На 05.04.2026 во 15:40 часот во Тетово, 30-годишен маж пријавил дека бил физички нападнат од својот брат Р.З. (26).
- На 05.04.2026 во 19:40 часот, Џ.М. (49) од Брвеница лишен од слобода по пријава од сопругата за закани по животот.
- На 06.04.2026 околу 01:30 часот, Ќ.Б. (26) лишен од слобода по пријава од сестра за физички напад; кај него пронајдена марихуана.
- На 03.04.2026, 31-годишна жена пријавила физички напад од сопругот И.М.(31), кој бил лишен од слобода.
- На 03.04.2026, 23-годишна жена пријавила психичко и физичко вознемирување од невенчаниот сопруг Ф.Р.(23), веднаш лишен од слобода.
Сите сторители ќе бидат соодветно пријавени и ќе следува понатамошна постапка од полицијата.
