Ако сте мислеле дека тетоважа, вакцина или патување во странство ве спречуваат да дарувате крв, сега работите се поинакви. Американската агенција за храна и лекови (FDA) ги ажурираше правилата, отварајќи можност за повеќе луѓе да станат дарители и да спасуваат животи.
Вакцини и инјекции: Повеќето современи вакцини, како сезонски грип, ковид-19 или ДТП, не бараат чекање. Исклучок е само хепатит Б – потребни се четири недели. Лековите кои се даваат инјектирано (витамини, антиалергиски терапии или ГЛП-1 агонисти) не го блокираат дарувањето, доколку не сте ги примиле истиот ден.
Тетоважи и пирсинг: Дарувањето е дозволено веднаш ако тетоважата или пирсингот се направени во регистрирани салони со стерилна еднократна опрема. Ако не сте сигурни за стерилноста, потребни се три месеци чекање. Местото мора да биде целосно заздравено и без знаци на воспаление.
Патувања: Главната грижа е маларијата. Доколку сте биле во високоризични области повеќе од 24 часа, се одложува дарувањето. Кратки екскурзии или еднодневни посети не бараат чекање.
Лекови: Многу хронични терапии не ја оневозможуваат дарувањето. Аспирин, контрацептивни пилули, лекови за крвен притисок, антибиотици (по завршување на третманот) и лекови за дијабетес се дозволени. Забрана важи само за корисници на антиретровирусна терапија за ХИВ или етретинат за псоријаза.
Секое дарување се тестира за инфекции, а правилата се додадок за безбедноста на дарителот и примателот. Со овие промени, повеќе луѓе може да станат херои и да спасат живот.
