Турските власти одговорија со брутална сила на очајниот крик за помош на работниците! Наместо заслужените пари, 110 рудари кои со денови штрајкуваа со глад пред вратите на власта во Анкара, беа насилно приведени во полициска акција која го згрози светот.
Драмата започна пред девет дена кога рударите од компанијата „Дорук мајнинг“ тргнаа на макотрпен марш од Ескишехир кон престолнината. Исцрпени и гладни, тие пристигнаа пред Министерството за енергетика со една единствена цел: да си ги побараат парите што им следуваат. Во знак на револт, работниците ги соблекоа своите маици и шлемови, најавувајќи дека нема да јадат сè додека не бидат исплатени. Но, наместо дијалог, се соочија со кордон полицајци и масовни апсења.
Ситуацијата е алармантна – дел од овие луѓе не виделе ниту една лира во своите џебови повеќе од четири месеци! Адвокатот на независниот синдикат открива дека досега биле организирани дури 20 протести, но сопствениците на рудникот и државата остануваат глуви на страдањата на нивните семејства. Додека на социјалните мрежи кружат потресни снимки од приведувањето на изнемоштените работници, јавноста се прашува: Дали борбата за леб во Турција стана кривично дело?
И покрај меѓународниот притисок и хаосот на улиците во Анкара, властите сè уште не нудат решение за неисплатените надоместоци. Овој инцидент го запали алармот за работничките права, додека рударите, сега и зад решетки, остануваат доследни на својот став – нема откажување до конечна правда!
