Доналд Трамп повторно го запали светот со своите изјави! Во шокантно обраќање, тој упати жестоки критики до сојузниците од НАТО, нарекувајќи ги „разочарување“ откако тие одбиле да се вклучат во воените операции против, како што вели тој, „терористичкиот режим во Иран“. Трамп јасно порача: „Не ни треба помош од никого!“
Според американскиот претседател, повеќето членки на Алијансата се повлекле кога било побарано од нив да помогнат во обезбедувањето на стратешкиот Ормуски Теснец. Трамп не штедеше зборови, тврдејќи дека иако сите ќе имаат корист од уништувањето на иранската војска и нуклеарната закана, САД сами ја завршиле „валканата работа“. Тој ги отпиша не само европските сојузници, туку и Јапонија, Австралија и Јужна Кореја.
Најголемиот земјотрес настана кога Трамп беше запрашан дали САД ќе ја напуштат Алијансата. Неговиот одговор беше повеќе од загрижувачки за Брисел: „Тоа е нешто за кое дефинитивно треба да размислиме. Не ми треба Конгресот за таква одлука!“ Иако вели дека сè уште нема конечен план, неговото незадоволство е на врвот.
И покрај оставките во неговиот кабинет од луѓе кои се противеа на војната, Трамп е дециден дека САД остануваат во Иран уште некое време додека не се осигура целосна контрола. Паралелно со ова, тој ја одложи и посетата на Кина, сигнализирајќи дека Вашингтон моментално се фокусира исклучиво на сопствената моќ и воени цели, без оглед на тоа кој стои до нив.
