Администрацијата на Доналд Трамп доживеа нов правен пораз откако федерален апелационен суд ја потврди забраната за апсење имигранти во Лос Анџелес без конкретна и законска основа. Одлуката дојде доцна во петокот, кога трочлен совет на судии ја отфрли жалбата на федералната влада, со која се бараше поништување на претходната судска одлука.
Судот оцени дека тужителите имаат доволно основи да докажат дека федералните агенти ги вршеле апсењата селективно – врз основа на изгледот, јазикот што го зборувале имигрантите и местото каде што работеле. Ова отвора сериозни прашања за почитувањето на човековите права и законските процедури од страна на федералните служби за спроведување на имиграционата политика.
Во јуни, во екот на протестите против рациите, претседателот Трамп повика на ангажирање на Националната гарда и американските маринци во Лос Анџелес, што предизвика бран критики заради обидите за милитаризација на цивилни полициски акции.
Оваа одлука на судот е силен удар врз контроверзната имиграциска политика на Трамп, потврдувајќи дека ниту највисоките државни институции не се над законот кога станува збор за човекови права.
