По жестоките критики, израелскиот премиер Бенјамин Нетанјаху нареди латинскиот патријарх, кардинал Пјербатиста Пицабала, да добие „неограничен и непосреден пристап“ до Црквата на Светиот Гроб во Ерусалим.
Кардиналот претходно беше спречен од израелската полиција да ја изврши традиционалната литургија за Цветници во црквата, што беше оценето од Латинската патријаршија како „сериозен преседан“.
Нетанјаху на платформата X соопшти дека надлежните органи мораат да му обезбедат слободен пристап, по што се очекува ситуацијата да се смири и католичкиот обред да се одржи без дополнителни инциденти.
