КМФ Кеги Моби се пласираше во полуфиналето од Купот на Македонија во футсал, откако во возбудлив натпревар славеше против КМФ Бутел со резултат 8:6.
Главна фигура на натпреварот беше Петар Левков, кој одигра фантастичен меч и постигна дури шест погодоци за својот тим. Левков погодуваше во 5, 6, 12, 21, 25 и 36 минута, со што беше незапирлив за одбраната на противникот.
Покрај него во листата на стрелци за Кеги Моби се запишаа и Александар Михајлов, кој погоди во 13. минута, како и Марио Панев со гол во 34. минута.
На спротивната страна, стрелци за КМФ Бутел беа Владимир Трендафиловиќ со два гола, Никола Илијоски, Никола Угриновски и Петар Лазаровски, додека еден погодок беше запишан како автогол.
Со оваа победа, екипата на КМФ Кеги Моби обезбеди место во полуфиналето од Купот на Македонија и продолжува во борбата за трофејот во ова натпреварување. Тимот од Велес уште еднаш покажа квалитет и ефикасност во нападот, предводен од расположениот Петар Левков кој беше играч на натпреварот!
