ФК Борец денес одигра извонреден натпревар и со стил ја запиша победата против ФК Дисан со високи 4:0. По мирно прво полувреме кое заврши со 1:0, тимот од Велес целосно ја презеде контролата во второто полувреме и ја запечати убедливата победа.
Стрелци на головите беа Чичевски, кој се истакна со два погодоци, Илхан и Мирчевски. Борец во продолжението ја наметна својата игра и не му остави простор на противникот да се врати во мечот.
Правдата на натпреварот ја делеа судиите Славче Шоповски, Драган Стефановски и Виктор Миланов.
Со оваа победа, ФК Борец испрати јасна порака дека е подготвен за нови предизвици и дека тимот се наоѓа во одлична форма.
