GRK Ohrid приреди големо изненадување на Куп турнирот во Струмица, елиминирајќи го фаворитот RK Eurofarm Pelister со убедливи 26:19.
Со овој резултат, битолчани – кои се дел од елитното европско натпреварување во Лигата на шампионите – доживеаја тежок пораз и останаа без место во финалето. Во завршниот меч, Охрид ќе се сретне со RK Vardar.
По натпреварот, на враќање кон Битола, дојде до инцидент во кој група навивачи на Е. Пелистер пресретнале возило на патот. Настанот бил снимен и споделен на социјалните мрежи, а околностите и учесниците сè уште не се официјално потврдени.
Полицијата најави дека се вршат проверки за целосно расчистување на случајот и утврдување на сите детали, вклучително и дали има повредени и кои лица биле вклучени во настанот.
