Иако зимата се уште не ја покажа својата полна сила, сметките за струја веќе ги полнат семејните буџети со грижа. Граѓаните се жалат дека плаќаат повеќе од лани, иако трошат помалку електрична енергија. Во услови на високи цени, штедењето станува неопходност, а многумина прават се што можат за да преживеат до следната плата.
Од прилагодување на дневните навики, преку користење на евтината тарифа, до враќање на стариот начин на загревање со дрва – секој се бори да ја зачува топлината дома, но и да ја олесни финансиската состојба.
Цените на дрвата, исто така, не се онакви какви што беа порано, што дополнително ја усложнува ситуацијата. Многу семејства се прашуваат дали оваа зима барем тие што имаат дрва ќе успеат да ја преживеат без големи загуби.
Зимата не е далеку, а предизвиците за граѓаните само се зголемуваат.
