ПРВ.мк
Македонија

Огромен пожар кај Церово се шири кон Карпалак и Скопје – утре наутро ќе интервенира авион

Огромен пожар кај Церово се шири кон Карпалак и Скопје – утре наутро ќе интервенира авион

Центарот за управување со кризи (ЦУК) вечерва предупреди дека пожарот кој избувна кај селото Церово почнал да се шири кон Карпалак и скопскиот регион. Засега, според надлежните, нема загрозени населени места или објекти, но ситуацијата останува критична поради непредвидливите временски услови и брзото ширење на огнената стихија.

Екипите на терен целосно се ангажирани за локализирање на пожарот, додека директорот на ЦУК, Мухамед Али, ја следи ситуацијата од блиску и е во постојана комуникација со теренските тимови. За дополнително зајакнување на интервенцијата, утре наутро ќе се користат и воздушни средства – авион-ер тракторот ќе биде ангажиран веднаш со првите зраци на денот.

Од ЦУК посочуваат дека сите засегнати служби остануваат на терен и ја следат состојбата со цел брза и ефикасна реакција, со надеж дека пожарот ќе се стави под контрола пред да се закани на населбата и инфраструктурата.

Ситуацијата е внимателно мониторирана, а надлежните апелираат до граѓаните за претпазливост и следење на официјалните информации.

Escape