Случај на семејно насилство е пријавен во Скопје, во кој 31-годишна жена тврди дека била малтретирана од сопругот.
Според информациите од Министерство за внатрешни работи, на 2 април 2026 година околу 18:42 часот, сопругот ја заклучил жената во тоалетот во нивниот дом, заедно со нивните четири малолетни деца.
По извесно време, како што е наведено во пријавата, тој физички ја нападнал, а потоа ја избркал од домот.
Жената изјавила дека подолг период била изложена на физичко и психичко насилство, но досега не го пријавувала случајот во полиција.
Од МВР информираат дека се преземаат мерки за целосно расчистување на случајот.
