Основното јавно обвинителство и ОВР Струга поднеле кривична пријава против М.С. (19) од Кавадарци, поради постоење основи на сомнение за сторено кривично дело „вонбрачен живот со дете“, согласно член 197 од Кривичниот законик.
Според обвинението, на 2 септември 2025 година, М.С. по претходен договор ја зел малолетничката од едно село во Струга и ја однел во својот дом во Кавадарци. Настанот бил пријавен од родител на малолетничката, по што полицијата и Центарот за социјални работи од Кавадарци преземале мерки за заштита на девојчето.
Малолетничката е вратена во својот дом, а против М.С. е покрената соодветна правна постапка.
Случајот ја потсетува јавноста на потребата од внимателност и почитување на законските норми за заштита на малолетниците.
