Граѓаните на Тетово од сега ќе користат целосно дигитализиран систем за јавен превоз. Јавното претпријатие ЈП Тетово Транспорт воведе QR билети и RFID картички, со што урбаниот превоз влегува во нова, модерна фаза.
Како се аплицира?
Аплицирањето се врши исклучиво преку мобилната апликација TE KLIK, каде корисниците можат брзо и едноставно да поднесат барање за дигитален билет. Откако ќе биде одобрен, билетот се користи преку QR код или картичка при влегување во автобус.
Кои категории се достапни?
- Категорија I – Бесплатен превоз за граѓани кои ги имаат подмирено сите обврски кон Општината.
- Категорија J – Билет наменет за ученици од основно и средно образование.
- Категорија K – За институции и здруженија кои имаат официјален договор за соработка.
Со стартот на новиот систем, претходните категории на билети престануваат да важат. Сè оди дигитално – без хартиени документи и без старата процедура.
Овој чекор има за цел поголема ефикасност, подобра контрола и поедноставно користење на услугите.
Дали ова значи почеток на целосна модернизација на јавниот превоз во градот? Времето ќе покаже, но едно е сигурно – автобусот во Тетово веќе вози дигитално.
