Со силен звук на мотори и одлична атмосфера, во Кавадарци беше отворена мото сезоната 2026, настан што уште еднаш ја потврди страста кон моторите и заедништвото меѓу љубителите на двотркалците.
Градоначалникот на Кавадарци, во своето обраќање, истакна дека присуството на над 600 мотори и голем број посетители е јасен показател дека градот се позиционира како значаен центар на мото културата во регионот. Настанот, кој привлекува сè поголемо внимание од година во година, прераснува во традиција што го збогатува општествениот живот.
Посебна благодарност беше упатена до Tikves Riders, кои стојат зад организацијата и континуирано го унапредуваат квалитетот на мото собирот, правејќи го препознатлив и надвор од границите на државата.
Локалната самоуправа нагласи дека ќе продолжи да поддржува вакви иницијативи, кои не само што носат динамика и енергија во градот, туку и го промовираат како атрактивна дестинација за настани од ваков тип.
На крајот, беше испратена силна порака до сите моторџии – да возат внимателно, да ги почитуваат сообраќајните правила и да се грижат едни за други, со цел сезоната да помине безбедно и успешно.
