Ким Кардашијан повторно беше меѓу најзабележаните ѕвезди на забавата по Оскарите, но овој пат вниманието не го привлече само со изгледот, туку и со начинот на кој се движеше. Многумина забележаа дека едвај оди поради тесниот златен фустан и екстремно високите потпетици, па снимките веднаш станаа хит на социјалните мрежи.
На традиционалната забава на „Венити фер“ се појави речиси целото семејство Кардашијан-Џенер, меѓу кои Крис Џенер, Кајли Џенер и Ким, која уште еднаш беше во центарот на вниманието. Таа избра долг златен фустан од Гучи со светкав ефект и тесен крој што целосно ја истакнуваше фигурата и се вклопуваше во гламурозната атмосфера на вечерта.
Иако изгледот беше оценет како впечатлив и драматичен, многумина не можеа да не забележат дека движењето ѝ беше отежнато. Токму тоа предизвика лавина реакции на интернет, каде корисниците коментираа дека модниот избор изгледал спектакуларно, но очигледно не бил и најудобен.
Дополнително внимание привлече и нејзиниот поинаков мејкап-изглед. Ким овојпат носеше понагласена шминка, со синкави контактни леќи и темен „smokey eyes“ ефект, со што целото издание доби уште посилен и подраматичен впечаток.
