Во Висбаден, 15-годишно момче украл автобус за да ја однесе својата 14-годишна девојка на училиште во Карлсруе, поминувајќи околу 150 километри. Според полицијата, кражбата се случила во раните утрински часови од петок, кога тинејџерот го земал автобусот од службен простор на транспортна компанија. Возилото го отворил без употреба на сила и го ставил во движење со генерален клуч.
„Сè уште не знаеме како дошол до клучот и како успеал толку добро да го управува автобусот“, изјави портпаролката на полицијата. И мотивот зад неговата необична постапка останува нејасен.
Автобусот, наполнет со гориво од претходната вечер, исчезнал околу 6 часот наутро, но бидејќи првично се мислело дека некој возач го однел по грешка, кражбата била пријавена дури напладне. Патролата го пронашла возилото во Карлсруе токму кога тинејџерот ја собрал девојката.
Сега тинејџерот ќе одговара за кражба и управување возило без дозвола, а полицијата го предала на неговите старатели. Автобусот останал неоштетен, што е ретка среќна околност во оваа необична приказна.
