На 17.04.2026 година во 10:00 часот е пријавена сообраќајна незгода на улицата „Билбил Камен“ на патот кон село Братин Дол, во битолскиот регион.
Според информациите од Министерство за внатрешни работи на Северна Македонија, товарно возило „даф“ со битолски регистарски ознаки, сопственост на ЈП Комуналец Битола, управувано од 52-годишен возач од Битола, излетало од коловозот.
Во несреќата тешки телесни повреди претрпел сопатникот – 57-годишен работник, исто така од Битола. Повредите биле констатирани во Клиничката болница во градот.
На местото на настанот извршен е увид од страна на увидна екипа на СВР Битола, а причините за излетувањето дополнително се утврдуваат.
