Вистинска драма се случила синоќа во строгиот центар на Скопје, откако брачен пар бил пресретнат и нападнат од вооружена група во подземна гаража на станбена зграда.
Според информациите од Министерството за внатрешни работи, 37-годишниот И.Т. пријавил дека околу 19:00 часот на 14 март, додека тој и неговата сопруга се наоѓале во гаражата, патот им го попречиле четири непознати лица.
Инцидентот брзо ескалирал кога тројца од напаѓачите физички го нападнале И.Т., додека четвртиот бил вооружен со огнено оружје, создавајќи сериозна закана за безбедноста на парот.
Полициските екипи веднаш излегле на терен и преземаат интензивни мерки за идентификација и приведување на сторителите, со цел целосно расчистување на овој сериозен инцидент.
