Во Белград се случил сериозен инцидент во основно училиште, во кој малолетна ученичка била жртва на вознемирување од страна на нејзини врсници.
Според информациите, ученичка од осмо одделение била натерана од друга ученичка да се бакнува со соученичка во училишниот тоалет. Во исто време, други ученички го снимале целиот настан со телефон.
Инцидентот се случил кон крајот на март во училиште во приградски дел на Белград. Случајот бил пријавен до надлежните институции, по што училиштето веднаш реагирало според протоколите за заштита на ученици од насилство.
Директорот изјавил дека случајот е пријавен преку официјалната платформа за пријавување насилство во училишта и дека се известени полицијата, Министерството за образование и Центарот за социјална работа.
Во моментов се води дисциплинска постапка и истрага, а институциите работат на целосно расчистување на случајот и заштита на учениците.
