Тензиите во Албанија прераснаа во сериозни судири меѓу полицијата и демонстрантите, откако протестите во Тирана ескалираа во насилство. Граѓаните излегоа на улиците барајќи оставка од владата, по обвинувањата за корупција поврзани со висок владин функционер.
За време на протестот, демонстрантите фрлаа молотови коктели и пиротехнички средства кон владините објекти, вклучително и канцеларијата на премиерот Еди Рама. Полицијата реагираше со водени топови и засилено обезбедување со цел да го спречи понатамошното ширење на насилството.
Политичката криза во земјата трае веќе неколку месеци, откако специјалното обвинителство отвори случај за наводно мешање во јавни тендери и фаворизирање компании при доделување инфраструктурни проекти. Обвиненијата се однесуваат на висок владин претставник, кој ги негира сите наводи.
И покрај тоа што судот веќе изрече мерки, обвинителството бара дополнителни чекори за продолжување на постапката, што дополнително ја подгрева политичката атмосфера во земјата.
Ситуацијата останува напната, а вчерашните сцени уште еднаш покажаа колку брзо протестите можат да прераснат во сериозни инциденти.
🔽 ОД ДЕНЕС СЛУШАЈ ЈА ТВОЈАТА ОМИЛЕНА РАДИО СТАНИЦА НА ПРВ.МК 🔽
