Вардар забележа убедлива победа над Македонија ЃП и на најдобар можен начин го искористи неочекуваниот пораз на Шкендија во денешната програма од 25. коло во Првата македонска фудбалска лига.
„Црвено-црните“ одиграа сигурен и ефикасен натпревар, славејќи со високи 5-1, со што испратија јасна порака дека немаат намера да ја пропуштат шансата што им се отвори по киксот на директниот ривал. Вардар од самиот почеток наметна силно темпо, ја контролираше играта и без поголеми проблеми стигна до убедлив триумф.
Овој резултат добива уште поголема тежина ако се земе предвид дека Шкендија неочекувано беше поразена на домашен терен од Пелистер со 1-2. Така, денешните два натпревара донесоа големи возбудувања во борбата на врвот, а Вардар знаеше како да ја искористи ситуацијата.
Со оваа победа, скопскиот тим не само што дојде до важни бодови, туку и дополнително ја подигна атмосферата во пресрет на следните предизвици во шампионатот. Македонија ЃП, од друга страна, не успеа да најде одговор на расположениот противник и замина со тежок пораз!
25то коло донесе резултати што можат сериозно да влијаат врз понатамошниот тек на сезоната, а Вардар покажа дека останува силен фактор во битката за врвот.
