Необичен инцидент се случил во Скопје, каде љубовна расправија завршила со две пријави во полиција – едната против маж, а другата против жена. Според информациите од Министерството за внатрешни работи, во неделата (9 ноември) околу 12:30 часот, 38-годишна жена пријавила дека нејзиниот 45-годишен партнер претходната ноќ, околу 00:30 часот, во неговиот дом ја нападнал со тврд предмет и ѝ се заканувал со огнено оружје.
Само неколку часа подоцна, околу 15:50 часот, истиот маж се појавил во полициската станица и поднел пријава против својата партнерка, тврдејќи дека и тој бил нападнат. Во неговата изјава се наведува дека жената фрлала предмети кон него и оштетила дел од покуќнината.
Од МВР соопштија дека се преземаат сите неопходни мерки за целосно расчистување на случајот, кој засега има карактер на меѓусебна физичка пресметка со елементи на закана.
