Вчера попладне, околу 17:50 часот, полициски службеници на наплатната станица Миладиновци се обиделе да го легитимираат Б.П. (68) од Струмица, кој управувал патничко возило „Фиат Браво“ со струмички регистарски ознаки. При обидот за легитимирање, возачот го стартувал возилото и удрил еден од полицајците, по што побегнал од местото на настанот.
Полицијата го пронашла и привела на наплатната станица Преод во 18:40 часот.
По целосното документирање на случајот, од МВР најавуваат понатамошни дејствија и поднесување на соодветни пријави против возачот.
