Голем пожар го затвори регионалниот пат Тетово – Скопје, на потегот од надвозникот кај Добарци до бензинската пумпа „Џезо Петрол“. Од 13:15 часот овој дел е целосно недостапен за сообраќај, потврди Авто-мото сојузот на Македонија (АМСМ).
Возилата се пренасочуваат по автопатот Тетово – Скопје – Тетово, преку селата Групчин и Желино. Засега нема информации за евентуални повредени лица или причинета материјална штета, но густиот чад и огнот предизвикале голема вознемиреност кај возачите и жителите од околината.
Надлежните служби се на терен и се работи на целосно локализирање на пожарот. Очекувајте дополнителни информации во текот на денот.
Ask ChatGPT
