Вработен во Општина Струга денеска почина додека бил на своето работно место. Според информациите објавени од порталот „Струга Експрес“, станува збор за 53-годишниот Златко Б., кој изненадно добил срцев удар на работното место.
По повикот, медицинските екипи на Итната помош веднаш пристигнале на лице место и се обиделе да му помогнат, но и покрај напорите, не успеале да го реанимираат.
Според првичните информации, немало претходни знаци дека Златко имал здравствени проблеми додека бил на работа, што дополнително го шокирало персоналот и присутните во институцијата.
Во тек е официјална постапка за утврдување на сите околности поврзани со случајот.
